دیمهنێك لهكاتى پێدانى پاڵپشتى دارایی بۆ گه‌نجه سورییه‌كان و دهستپێكردنى كارهكانیان... وێنه: JCC هه‌ڵه‌بجه.
له‌وێ نیشته‌جێن و بیرۆكه‌ى كاریان هه‌یه
له هه‌ڵه‌بجه پاڵپشتى دارایى بۆ پڕۆژه‌كانى 15 گه‌نجى ئاواره‌ى سوری ده‌كرێت
964+
فه‌رهاد حه‌سه‌ن
له هه‌ڵه‌بجه، به‌ڕێوه‌به‌رایه‌تى JCC به هاوكارى چه‌ند رێكخراوێك پاڵپشتى دارایی بۆ پڕۆژه‌كانى 15 گه‌نجى ئاواره‌ى سوری دابینكرد، كه ته‌واوى گه‌نجه‌كان له هه‌ڵه‌بجه نیشته‌جێن و بیرۆكه‌ى كاریان هه‌یه.
پڕۆژەی پاڵپشتی پڕۆژەی بچوک و مامناوەنده کە رێکخراوی REACH بە پاڵپشتی دارایی رێکخراوی BMZ و giz ئەڵمانی جێبەجێی دەکات.
فریاد نه‌جمه‌دین، به‌ڕێوه‌به‌رى کۆچ و کۆچبەران و وەڵامدانەوەی قەیرانەکانی پارێزگای هەڵەبجە كه به JCC ناسراوه، به 964ـى راگه‌یاند، پڕۆژه‌كانى ئه‌م گه‌نجانه كه زۆرینه‌یان له ره‌گه‌زى مێن بریتییه له شوێنى جوانكارى، كاره‌بایی و مینى ماركێت.
وتیشی “ئه‌و پاڵپشتییه داراییەی بۆ گه‌نجه سورییه‌كان دابینكراوه له سێ ملیۆن و 500 هه‌زار دینار تاوه‌كو چوار ملیۆن و 500 هه‌زاره ه به‌پێى جۆر و قه‌باره‌ى پڕۆژه‌كانیان پاره‌یان پێدراوه”.
پێشتر به‌ڕێوه‌به‌رایه‌تى JCC پاڵپشتی دارایی بۆ 52 پڕۆژه بۆ گەنجه‌كانى پارێزگاكه‌ى دابین كردووه، کە هەریەکەیان تاوه‌كو نزیکەی چوارملیۆن و 500 هەزار دیناریان پێدراوه.
ئاماژه‌ى به‌وه‌شكرد، پڕۆژەیەکی دیکەیان هەر لەمساڵدا بۆ 45 گه‌نج جێبه‌جێكردووه كه پێشتر گه‌نجه‌كان به‌شداریان له خوڵێك كردبوو و دواتریش خرانه سه‌ركار و له‌لایه‌ن JCC شه‌وه بۆ ماوەی شه‌ش مانگ وه‌ك پاڵپشتى درارایی موچه‌یان بۆ بڕاوه‌ته‌وه، بۆ ئه‌وه‌ى دواى ئه‌م شه‌ش مانگه بتوانن له‌و شوێنه‌ى كارى تێدا ده‌كه‌ن، به‌رده‌وام بن.
