بزانە خەڵکی کام ناوچەی کوردستانە؟
بیرمەندێکی کورد بۆ دووەم ساڵ بوو بە یەکێک لە گەورەترین زانایانی جیهان
964+
شۆڕش قادری
بیرمەندێکی کورد بۆ دووەم ساڵی یەک لەدوای یەک ناوی چووە لیستی 2٪ی گەورەترین زانایانی جیهان.
زانکۆی ستانفۆردی ئەمریکا هەموو ساڵیک و بەپێی لێکدانەوەی زانستیی، ناوی 2٪ی گەورەترین زانایانی جیهان لە 22 بەشی زانستی هەڵدەبژێرێت و بڵاویان دەکاتەوە کە زۆرترین کاریگەرییان لەسەر گەشە و بەرەوپێشچوونی زانست هەبووە و توێژینەوەکانیان وەک سەرچاوەی زانستی بەکاردەهێنرێن، ساڵی 2023 پرۆفیسۆر رەحمەتوڵا خزری بیرمەندی کورد، وەک یەکێک لەو زانایانە هەڵبژێردرا و بۆ ئەمساڵیش ناوی لە لیستەکەدایە.
رەحمەتوڵا خزری خەڵکی شاری شنۆی سەر بە پارێزگای ورمێیە لە رۆژهەڵاتی کوردستان، تەمەنی 35 ساڵە و یەکێکە لە گەنجترین زانایانی جیهان.
خزری بڕوانامەی بەکالۆریۆسی لە زانکۆی ورمێ بەدەستهێناوە، بڕوانامەی ماستەری لە زانکۆی کوردستان لە سنە و دوکتۆراکەشی لە زانکۆی فلیندێرزی ئوسترالیا وەرگرتووە، ئێستاش مامۆستای زانکۆی مێلبۆرنە لە ئوسترالیا.
بۆ یەکەمجارە ئامێرێکی مۆسیقا لە گۆرانییەکی کوردی بەکاردێت
