964+
لە هەمان رۆژدا
بەراورد بە پار نرخى یەک بەرمیل نەوت 20 دۆلار دابەزیوە
964+
وریا فەتاح
سەرەڕاى ئەوەى بەهۆى باهۆز و کەشوهەواى توندى کەنارە ئاوییەمانى مەکسیکۆ نرخى نەوت بەرەو بەرزبوونەوە هەنگاوینا، بەڵام بەراورد بە پار هێشتا 20 دۆلار لە خوارەوەیە.
بۆ ئەمڕۆ هەینى، نرخی یەك بەرمیل نەوتی برێنت گەیشتووەتە 72 دۆلار و 83 سەنت بەوەش لە چاو دوێنێدا 0.86% نرخەکەی بەرزتر بووەتوە.
هەرچی نەوتی تێکساسیشە نرخی بەرمێلێکی69 دۆلار و 97 سەنتە و لە چاو دوێنێدا یەک دۆلار بەرتر بووەتەوە.
به‌هۆى هه‌ڵكردنى زریانى فڕانسین نرخی نه‌وت به نزیكه‌ی 3% به‌رزبووه‌ته‌وه، چونكه به‌رهه‌مهێنانی نه‌وت له‌لایه‌ن ئه‌مه‌ریكا له كه‌نداوی مه‌كسیك به‌ره‌و كه‌مبوونه‌وه چووه.
سەرەڕاى بەرزبوونەوەى نرخى نەوت، بەڵام ئەگەر بەراورد بکرێت بە ساڵى رابردوو هیشتا 20 دۆلار لەژێرەوەیە.
ساڵى رابردوو لە 13.9، نرخى یەک بەرمیل نەوتی خاوی برێنت بە 92 دۆلار و 29 سەنت مامەڵەی پێوەکراوە و یەک بەرمیل نەوتی خاوی ئەمەریکیش بە 89 دۆلار و 10 سەنت بووە.
