دەقی نامەکەی مەسعود پزیشکیان بۆ تاڵەبانی

ژووری هەواڵ

ئەمڕۆ مەسعود پزیشکیان سەرۆکی کۆماری ئیسلامی ئێران سەردانی سلێمانی کرد و چووە مەزارگەی مام جەلال، دوای خوێندنی فاتیحە بە دەستوخەتی خۆی نامەیەکی جێهێشت، 964 دەقەکەی کردووە بە کوردی و لێرەدا بڵاویدەکاتەوە:

بەناوی خوای گەورە و میهرەبان
ئەمڕۆ پێنجشەممە 22/6/1403 بە یاوەری لەگەڵ شاندێکی باڵا لە وەزیرانی کۆماری ئیسلامی ئێران چووینە سلێمانی، دەرفەتی ئەوەمان بۆ رەخسا سەردانی مەزارگەی مام جەلال تاڵەبانی ئازیز و بەڕێز بکەین و فاتیحە بۆ رۆحی پاک و روانگەی قووڵ و کراوەی ئەو دۆستە خۆشەویستە بخوێنین، هەروەها یادێک لە تێکۆشان و گیانفیدایی ئەم پیاوە گەورەیە بکەینەوە پێش شۆڕش تا دوای سەرکەوتن بۆ ئازادی و سەربەخۆیی وڵاتەکەی، هەروەها رێز لە هەوڵەکانی بگرین بۆ دروستکردنی یەکگرتوویی لە ناوخۆی وڵات و هاوکارییەکانی لەگەڵ ئێرانی خۆشەویست.
رۆحی شاد بێت و یادی بۆ هەمیشە بۆ تێکۆشەران ئازادیخوازانی دنیا بە زیندوویی بمێنێتەوە.

مەسعود پزیشکیان
سەرۆکی کۆماری ئیسلامیی ئێران
22/6/1403

بە سوپاسەوە وێنەی نامەکە لە کەناڵ 8 وەرگیراوە