شۆرتی کارەبا بووە
بنکەی تەندروستی 122 لە دهۆک سووتا
964+
هیڤی دێوالی-دهۆک
بەهۆی شۆرتی کارەباوە بنکەی فریاکەوتنی تەندروستی 122 لە پارێزگای دهۆک بەتەواوی سووتا. وتەبێژەکەشیان دەڵێت، بنکەکە زیانێکی زۆری بەرکەوتووە و زیانی گیانی نەبووە.
ئەمڕۆ شەممە 8.9.2024، ئاگر لە بنکەیەکی فریاکەوتنی تەندروستی 122 بەدریک لە نزیک ناحیەی فەیدە کەوتەوە و بەهۆی رێژەی زۆری ئاگرەکە زوو کۆنترۆڵ نەکرا و زیانی زۆری بە بنکەکە گەیاند.
هەیسەم بەربهاری، وتەبێژی بنکەکە بە 964ـی وت، بنکەکە سێ کابینە تێدابوو، لەگەڵ کەرەستە و ئامێری پزیشکی و ژمارەیەکی زۆر دەرمانی پێویست سووتاون.
وتیشی، هیچ زیانێکی گیانی نەبووە، تەنیا زیانێکی زۆری ماددی هەبووە و تاکە بنکەیە کە هەمانە لە ناوچەی بەدریک، کە کارمەندەکانمان چارەسەری سەرەتایی بۆ نەخۆشەکان دەکەن پێش ئەوەی رەوانەی نەخۆشخانەی فریاکەوتن بکرێن.
ناوچەی بەدریک دەکەوێتە نێوان ناحیەی فەیدیە لە سنووری قەزای سێمێل و پارێزگای موسڵ.
پێداچوونەوە: هاوبەش
