باڵەخانەی زانکۆی نێودەوڵەتی بەریتانی لە هەولێر
کار بۆ ژینگەش دەکات
لە هەولێر زانکۆیەکی بەریتانی کرایەوە
964+
ژووری هەواڵ
لە هەولێر لقى زانکۆى لەندەنى بەریتانى بەناوى زانکۆى بەریتانى نێودەوڵەتى کرایەوە، ئەندامێکی دەستەی دامەزرێنەرانی زانکۆکەش دەڵێت، گرنگى بە ژینگە و رووبەرووبونەوەى گۆرانکارییەکانى کەشوهەوا دەدەن.
زانکۆ بەریتانیەکە دوو ساڵ لەمەوبەر بەردى بناغەى دانراو ئەمرۆ لە رێورەسمێکى فەرمیدا لە هەولێر کرایەوە.
کۆدۆ سەلام، ئەندامی دەستەی دامەزرێنەرانی زانکۆکە وتارى کردنەوەی زانکۆکەى پێشکەشکرد و رایگەیاند، 15ساڵ لەهەرێمى کوردستان ئەزمونیان هەیە لەگەڵ تۆڕى قوتابخانەکانى کامبریج و ئەمە بوەتە سەرەتایەک بۆ هەوڵدان بۆکردنەوەى زانکۆکە.
وتیشى،”حکومەتى هەرێمى کوردستان و حکومەتى بەریتانیا هاوکارییان کردون لە کردنەوەى زانکۆکە”.
لایخۆشیەوە مەسرور بارزانى سەرۆکى حکومەتى هەرێمى کوردستان رایگەیاند، لەزۆر بواردا لێکۆڵینەوەى ورد لەبەردەست نیەو پێویستە زانکۆکان لەم روەوە هاوکارى حکومەت بکەن و ئەم زانکۆیەش دەتوانێت ببێتە پردێک بۆ پێشخستنى ئەم بوارە.
