لە سلێمانی
دوو هەزار و 500 فەرمانبەر لە رێگەی “هەژماری من” مووچە وەردەگرن
+964
دیلان محەمەد – سلێمانی
ئەمڕۆ بەشێک لە فەرمانبەرانی سلێمانی بۆ یەکەمجار لە رێگەی هەژماری من مووچە وەردەگرن.
ئەمڕۆ چوارشەممە 4.9.2024، بۆ یەکەمجار هەژماری من لە سلێمانی کەوتەکار و بەشێک لە فەرمانبەران روویان لە ئەی تی ئێمەکان کردووە بۆ وەرگرتنی مووچەکانیان ، بەپێی ئەو زانیاریانەبێت کە تیمی هەژماری من بە پەیامنێری 964ـیان داوە، تا ئێستا 33%ـی فەرمانبەرانی سلێمانی ناویان لە هەژماری من تۆمار کردووە و لە ئێستادا تەنها دوو هەزار و 500 کەس دەتوانن وەریبگرن.
هاوڵاتیەکیش لەکاتی وەرگرتنی مووچەکەی بۆ 964 وتی، لە رێگەی هەژماری منەوە ئاسانتر مووچە وەردەگرین، جاران کاتی دەویست تا لە هەولێرەوە دەگەیشتە سلێمانی.
پێداچوونەوە: میدیا گۆران
