پزیشکان و کارمەندانى نەخۆشخانەى گشتیى هەڵەبجە بایکۆتیان کرد

964+

وریا فەتاح

نوێکردنەوە لە کاتژمێر 10:50 خولەک

جگە لە نەخۆشخانەى گشتى هەڵەبجە، لە ئێستادا فەرمانبەرانى بانکى توى مەلیک لە سلێمانى بەهۆى دواکەوتنى موچەوە بایکۆتیان کردووە.

زانیارى پێشوو…

پزیشکان و کارمەندانى نەخۆشخانەى گشتى هەڵەبجە بایکۆتیان کردووە و بەڕووى نەخۆشخانەکاندا داخراوە.

سەرچاوەیەک لە تەندروستى هەڵەبجە بە 964ـى وت،”کەمێک پێش ئێستا قسەم لەگەڵ بەڕێوەبەرى نەخۆشخانە کرد و ئەو وتى پزیشکانى نەخۆشخانەکە بایکۆتى کردووە و وردە وردە کارمەندانیش بایکۆتى دەکەن و دەڕۆنە و نەخۆشخانەکە دادەخەن”.

زانیارى پێویست…

نەخۆشخانەى گشتى هەڵەبجە دوێنێ لە پەیجى خۆى بڵاوى کردووەتەوە کە رۆژى دووشەممە ئەم پزیشکانەى خوارەوە لە نەخۆشخانە دادەنیشن چارەسەرى نەخۆش دەکەن:

1 – پزیشكی پسپۆڕی قوڕگ و لوت و گوێ ( د  هاوكار ) .

2- پزیشكی پسپۆڕی مێشك و دەمار ( د شوان ) .

3- پزیشكی پسپۆڕی نەخۆشیەكانی پێست ( د كوردستان) .

4- پزیشكی پسپۆڕی ئێسك و شكاوی ( د هەردی ) .

5- پزیشكی  پسپۆڕی نەشتەرگەری مێشك و فەقەرات ( د نشألدین ) .

6- پزیشكی پسپۆڕی نەشتەرگەری گشتی ( د هاوسەر ) .

7- پزیشكی پسپۆڕی  هەناوی ( د كاردۆ ) .

8- پزیشكی پسپۆڕی گورچیلە و میزەڕۆ ( د ڕێبین ) .

9- پزیشكی پسپۆڕی ڕۆماتۆلۆجی ( د ئامانج ) .

10- پزیشكی پسپۆڕیتیشك سۆنەر وسیتی سكان  ( د سۆزان ) .

11-پزیشكی پسپۆڕی سنگ و دڵ و بۆرییەكانی خوێن ( د ڕزگار )    .

12- پزیشكی پسپۆڕی جوانكاری (د ئالان ).

دواى بینینى ئەم پۆستە نەخۆشخانەى گشتى هەڵەبجە، ئەکرەم بارام کە دانیشتوویەکى هەڵەبجەیە، کاتژمێر 7:00ـى بەیانى سەردانى نەخۆشخانەى گشتى هەڵەبجەى کردووە بۆ ئەوەى ناو بۆ نەخۆشێکیان بنوسێت، بەڵام کاتژمێر 9ـى بەیانى گەڕاوەتەوە و پێیان وتووە بایکۆتە و هیچ دکتۆرێک دانەنیشتووە.