شەپۆلێکی خۆڵبارین بەشێک لە شارەکانی رۆژهەڵاتی کوردستانی گرتەوە-وێنە: ئیرنا
مەودای بینین کەمبۆتەوە
شەپۆلێکی خۆڵبارین رۆژهەڵاتی کوردستانی گرتەوە
964+
شۆڕش قادری
شەپۆلێکی خۆڵبارین بەشێک لە شارەکانی رۆژهەڵاتی کوردستانی گرتەوە و مەودای بینین بۆ هەزار و 500 مەتر کەمبۆتەوە.
ئاژانسی هەواڵی ئیرنا لە زاری ئەمیر پەرویز نەجەفی بەڕێوەبەری کەشناسی قەسری شیرین لە پارێزگای کرماشان بڵاویکردووەتەوە، “لە بەیانی ئەمڕۆ شەممەوە 31.8.2024 شەپۆلێکی خۆڵبارین رووی لە ناوچەکە کردووە و مەوادی بینین بۆ هەزار و 500 مەتر کەمبۆتەوە کە هەشت هەزار و 500 مەتر کەمترە لە ئاستی ئاسایی هەوای پاک”.
“ئەمڕۆ پلەی گەرمای قەسری شیرین گەیشتووەتە 44 پلە و یەکێک بوو لە گەرمترین شارەکانی کرماشان”، نەجەفی وادەڵێت.
بەرپرسانی تەندروستی قەسری شیرین داوایان لە کەسانی بەتەمەن و منداڵان و نەخۆشانی تایبەت کردووە، تا دەتوانن نەچنە دەرەوە و لە کاتی چوونەدەرەوەشیان ماسک بەکاربهێنن.
شاری قەسری شیرین لە رۆژئاوای کرماشان دانیشتووانەکەی 27 هەزار کەسە و بەدرێژی زیاتر لە 186 کیلۆمەتر سنووری لەگەڵ هەرێمی کوردستان هەیە.
