نزیک تەکیە
ئۆتۆمبێلێک ئاگری گرت
+964
دیلان محەمەد جەزا
ئۆتۆمبێلێکی تایبەت بەهۆی خێراییەوە لە تەکیە وەرگەڕا و بەو هۆیەوە ئاگری گرت.
ئارام عەلی، وتەبێژی بەرگریی شارستانیی سلێمانی بە 964 وت، پاشنیوەڕۆی ئەمڕۆ ئۆتۆمبێلێکی تایبەت بەهۆی خێراییەوە کۆنتڕۆڵی لەدەست دا، دواتر وەرگەڕا و ئاگریشی گرت،
باسی لەوەش کرد، لە رووداوەکەدا کەس زیانی بەرنەکەوتووە و تەنیا ئۆتۆمبێلەکە سووتاوە.
ئەوەشی خستەڕوو، تیمەکان توانیویانە ئاگرەکە بکوژێننەوە و رووداوەکە لەسەر رێگای سلێمانی- چەمچەمال نزیک ناحیەی تەکیە بووە.
پێداچوونەوە: ئەرسەلان عەبدوڵا
