ئەو رۆژنامەنوسانەی خوازیاری خوێندنن لە سبەینێوە دەتوانن فۆرم وەربگرن

+964

توانا نەقی

زانکۆی پۆلیتەکنیکی هەولێر کورسی خوێندنی بە خۆرایی بۆ راگەیاندکار و رۆژنامەنوسان رادەگەیاند و لە سبەینێوە تا هەفتەیەکی دیکە دەتوانن فۆرم وەربگرن.

ئەمڕؤ شەممە، زانکۆی پۆلیتەکنیکی هەولێر بڵاویکردەوە، بەشی تەکنیکی میدیا لە کۆلیژی تەکنیکی کارگێڕی هەولێر شەش کورسی خوێندن لەخوێندنی بەیانیان و بەخۆڕایی، بەشێوەی کێبڕکێ بۆ رۆژنامەنووسان و راگەیاندکاران رادەگەیەنێت.

دەشڵێت ئەوانەی دەرچووی ئامادەیی و بەشی راگەیاندنی پەیمانگان دەتوانن فۆرنەکە وەبگرن و بچنە کێبڕکێوە.

زانکۆکە ئاماژەی بەوەشکردووە، رۆژنامەنوسان و راگەیاندکاران لە رۆژی یەکشەممە 25.8.2024 تا ماوەی هەفتەیەک سەردانی یەکەی تۆمار بکەن لەناو کۆلێژی تەکنیکی کارگێڕی هەولێر بە مەبەستی وەرگرتنی فۆرمی تایبەت بە وەرگرتنی رۆژنامەنووسان.