بەرپرسانی شاری هەولیر لە کاتی دانانی بەردی بناغەی پڕۆژەکە وێنە: پارێزگای هەولێر
لەبەردەم بەشی ناوخۆیی شەهید شەوکەت
پردێکی پەڕینەوەی پیادە لە هەولێر دروست دەکرێت
+964
ژێوار خدر
ئەمڕۆ چوارشەممە، بناغەی پردێکی پەڕینەوەی پیادە لەبەردەم بەشی ناوخۆیی شەهید شەوکەت شێخ یەزدین داندرا.
پارێزگای هەولێر رایگەیاند، پردەکە بە بڕی 383 ملیۆن و 793 هەزار لەسەر بودجەی پەرەپێدانی هاتوچۆی هەولێر درووست دەکرێت، نەخشە و دیزاینی بەشێوازێکی مودێرن و سەردەمیانەیە و ڕەچاوی کەسانی خاوەن پێداویستی تایبەتیش کراوە
پرۆژه‌کە لە لایەن کۆمپانیای شلۆڤە جێبەجێ دەکرێت، بڕیارە لەماوەی 180 ڕۆژدا تەواو بکرێت.
بەشی ناوخۆیی شەهید شەوکەت، دەکەوێتە شەقامی سەرەکی هەولێر – کەرکوک، یەكێكە لە شەقامە گرنگەكانی شاری هەولێر و هاتوچۆیەكی زۆری شوفێرانی بەسەرەوەیە، ئەمە جگە لەوەش خوێندکارانی بەشەناوخۆیەکە لە کاتی وەرزی خوێندندا شەقامەکە زۆر بۆ پەڕینەوە بەکاردەهێنن.
