پارەیان داوە و شوقەکانیان تەواو نەبووە
ژمارەیەک خاوەن شوقە لە بەردەم کۆمپانیایەکی نیشتەجێبوون گردبوونەوە
+964
شۆرش عەبدوڵا – هەولێر
ژمارەیەک لە خاوەن شوقەکانی لالاڤ، لەبەردەم ئۆفیسی سەرەکی ئەو کۆمپانیایە گردبوونەوە، بەقسەی ئەوان بێت، چەند ساڵێکە شوقەیان کڕیوە و تاوەکو ئێستا تەنیا باڵەخانەیەکی تەواو نەکراوە و هیچی تر.
یەکێک لە خاوەن شوقەکان بۆ 964 وتی، دەبوایە ساڵی 2023 شوقەکانیان تەواو بووایە و پارەیان داوە بەڵام تا ئێستا هەر بناغەکەی دانراوە و نازانن چارەنوسی شوقەکانیان چی دەبێت.
وتیشی، ئەو چوار شوقەی کڕیوە و ئەگەر وابڕوات زیاتر لە حەوت دەفتەر دۆلار زیان دەکات.
پێداچوونەوە: توانا نەقی