لە سنووری سیتەک ژمارەیەک داری سروشتی و رەزی هاوڵاتیان سووتا

+964

توانا نەقی

لە یەکێک لە گوندەکانی سنووری ناحیەی سیتەک ئاگرێک کەوتەوە و بەهۆیەوە ژمارەیەکی زۆر داری سروشتی و رەزو باخی هاوڵاتیان سووتا، بەهۆکاری کەوتنەوەی ئاگرەکەش هاوڵاتیەک دەستگیر کراوە.

ئەمڕۆ یەکشەممە، پۆلیسی دارستان و ژینگەی سلێمانی بڵاویکردەوە، ئاگرێك لە سنوری گوندی ( پیری شەوکێڵ ) کەوتەوە و بووە هۆی سووتانی نزیکەی سێ دۆنم پوش و پاوان و داری سروشتی هەروەها سوتانی چەندین رەزو باخی هاوڵاتیان.

دەشڵێت، لە پێناو کوژاندنەوەی ئاگرەکە مەفرەزەیەكی بنکەی پۆلیسی دارستانی سیتەك دەرچوون بۆ شوێنی رووداوەکە لە ئەنجامدا بە هاوکاری ئاگر کوژێنەوە و ئاسایشی قەزای چوارتا توانیان ئاگرەکە کۆنتڕۆڵ بکەن.

ئاماژەی بەوەشکردووە، هاوڵاتیەك بە تۆمەتی هۆکاری ئاگرەکە دەستگیر کراوە و پەڕاوی لێکۆڵینەوەی بۆ کراوەتەوە.

ئاگرەکەی ناوچەی شارباژێر بەهۆی شۆرتی کارەباوە بوو