دیمهنێكى كۆنى شوێنه‌وارى چه‌رمو ... ئهرشیفی وێنهكه: پێشهوا شێخ رهئوف
نه‌بوونى میلاك و شوێن دوایخستبوو
له چه‌مچه‌ماڵ بنكه‌یه‌كی چاودێری شوێنه‌واريى ده‌كرێته‌وه
964+
فه‌رهاد حه‌سه‌ن
بڕیاره به‌م نزيكانه، بنكه‌ى چاودێری شوێنه‌واريى له قه‌زاى چه‌مچه‌ماڵ بكرێته‌وه، شوێنه‌وارى هه‌رێمیش ده‌ڵێت، چه‌ند ساڵێكه ره‌زامه‌ندى دراوه به‌ڵام به‌هۆى نه‌بوونى شوێن و میلاك تاوه‌كو ئێستا كردنه‌وه‌كه‌ى دواخرابوو.
شوێنه‌وارى هه‌رێم ده‌ڵێت، كردنه‌وه‌ى بنكه‌كه له‌سه‌ر داواى قایمقامى چه‌مچه‌ماڵ و پێشنیاری شوێنه‌وارى سلێمانى بووه و ماوه‌ى چه‌ند ساڵێكیشه ره‌زامه‌ندى وه‌زاره‌تى هه‌بووه بۆ كردنه‌وه‌ى.
كه‌یفی مسته‌فا، به‌ڕێوه‌به‌رى گشتى شوێنه‌وارى هه‌رێم به 964ـى راگه‌یاند، ئێستا شوێن و میلاك بۆ ئه‌م بنكه‌یه دابینكراوه و به‌م زووانه ده‌كرێته‌وه.
وتیشی “پێداویستییه‌كانى ئه‌م بنكه‌یه قایمقامى چه‌مچه‌ماڵ دابین كردوون و ئێستا ئاماده‌یه بۆ كردنه‌وه”.
ئاماژه‌ى به‌وه‌شكرد، سنوورى چه‌مچه‌ماڵ خاوه‌نى چه‌ندین شوێنه‌وارى مێژوويى گرنگه، له‌وانه‌ش شوێنه‌واره‌كانى چه‌رمو و ئه‌شكه‌وته‌ڕه‌شه و پێویستیان به چاودێری و پاراستنى زیاتر هه‌یه، بۆیه كردنه‌وه‌ى ئه‌م بنكه‌یه پێویست بوو.
لایخۆشییه‌وه، قایقمامییه‌تى چه‌مچه‌ماڵ بڵاویكردووه‌ته‌وه، به‌مه‌به‌ستى ته‌واوكردنى ئاماده‌كارییه‌كان بۆ كردنه‌وه‌ى بنكه‌كه قایمقام سه‌ردانى شوێنه‌وارى سلێمانى كردووه و بڕیاریە رۆژی یەکشەممەی داهاتوو لیژنه‌یه‌كی بەڕێوەبەرایەتی شوێنەواری سلێمانی سەردانی قەزای چەمچەماڵ بکەن بەمەبەستی بەسەرکردنەوەی شوێن و دیاریکردنی کاتی کردنەوەی فەرمانگەکە.
