لە خورماتوو
ئەو منداڵەی لەلایەن باوکی چەقۆی لێدرابوو نەمردووە و تەندروستی جێگیرە
+964
کاروان ساڵحی – کەرکوک
دوای ئەوەی منداڵێکی تەمەن دووساڵ لەلایەن باوکیەوە لە دوزخورماتوو بەر چەقۆ درا گەیەندراوەتە نەخۆشخانەی کەرکوک و ئێستا تەندروستی جێگیرە.
رووداوەکە بەهۆی کێشەیەکی خێزانییەوە بووە و ئەو پیاوە ژن و منداڵێکی دیکەی لەماڵ دەرکردووە و ئەم منداڵەی لەبەردەستدا بووە بۆیە 15 چەقۆی لێداوە و شەشیان بەر سەری کەوتووە.
بەیانی ئەمڕۆ پێنجشەممە تەندروستی خورماتوو وابڵاویکردەوە کە منداڵەکە گیانی لەدەست دابێت، بەڵام پەیامنێری 964 چووە نەخۆشخانەی کەرکوک و چاوی بە منداڵەکە کەوت و بەقسەی دکتۆرەکەی هێشتا ماوە و تەندروستی جێگیرە.
پێداچوونەوە: توانا نەقی
