هەفتەی داهاتوو دەتوانن بەکاری بهێنن
زۆری نەماوە شەقامی 60 مەتری چوارقوڕنە بکرێتەوە
964+
ژێوار خدر
کار کردن لە شەقامی 60 مەتری چوارقوڕنە بەردەوامە و قۆناغی دووەمی دەستی پێکردووە و لە ماوەی یەک هەفتەدا تەواوی کارەکانی بە کۆتا دەگەن.
رێگاکە، لە دەروازەی کۆڵین سیتییەوە دەستپێدەکات و تا سەر پردی چوارقوڕنە درێژ دەبێتەوە.
سەرباز سەعید، بەڕێوەبەری پڕۆژەکان لە شارەوانی چوارقوڕنە بە 964ـی وت، قۆناغی یەکەمی پرۆژەکە چەند رۆژێکە تەواو بووە، کە پێکهاتبوو لە ئامادە کردن و تێکەڵەرێژ کردنی رێگاکە و ئێستا دەستمان کردووە بە قۆناغی دووەم کە قیرتاو کردنییەتی.
وتیشی، لە ماوەی یەک هەفتەدا تەواوی کارەکان کۆتاییان دێت و رێگاکە ئامادە دەبێت بۆ کردنەوە بەڕووی هاوڵاتییاندا.
درێژی شەقامەکە سێ کیلۆمەتر و 100مەترە، بە بڕی 456 ملیۆن و 160 هەزار دینار لەسەر بودجەی ئیدارەی راپەڕین جێبەجێ دەکرێت.
