دیمەنێکی بازاری قەیسەری هەولێر وێنە: شارەوانی هەولێر
بەردەوامیش دەبن
شارەوانییەکانی هەولێر 17 شەقام و بازاڕیان لە زیادەڕۆیی پاک کردەوە
964+
ژێوار خدر
لە دریژەی هەڵمەتەکانیدا بۆ رێکخستنەوەی شۆستە و شەقامەکان، شارەوانی هەولێر چەند شەقام و بازاڕێکیان لە زیادەڕۆییەکان پاک کردەوە.
ئەمرۆ دووشەممە، سەرۆکایەتی شارەوانی هەولێر رایگەیاند، لە سنووری هەر شەش شارەوانییەکانی سەر بە سەرۆکایەتییەکەیان دەستیان کردووە بە رێکخستنەوەی شۆستە و شەقامەکانی هەر یەک لە بازاڕەکانی: شێخەڵا، هەڤاڵان، 121ـی گوڵان، جووت سایدی منارە، باداوا، لەنگە، ئیسکان، هەولێری نوێ، پیشەسازی باکوور، شەقامی مەخمور، بازاری کوران، ئازادی، مامۆستایان، گەرەکی ژیان، راستی، رێگای کەرکوک و بەشێکی شەقامی 60 مەتری.
بەڕیوەبەرایەتییەکە روونیشیکردووەتەوە، بە هەماهەنگی لەگەڵ پۆلیسیس شارەوانی هەڵمەتەکە بەردەوامی دەبێت و تا تەواوی بازاڕ و شوێنە گشتییەکان رێک دەخرێنەوە.
