ئاویان نییە
دانیشتوانى گەڕەکى باداوا دەستیان بە خۆپیشاندان کرد
964+
شؤڕش عەبدوڵا- هەولێر
دژى نەبوونى ئاوى ماڵان، بەشێک لە دانیشتوانى باداوا لە هەولێر گردبوونەوە و وەک باسى دەکەن زیاتر لە 10 رۆژە ئاویان نییە.
ئێستا دانیشتوانى گەڕەکەکە هاتوونەتە دەرەوە و خۆپیشاندانەکەیان بەردەوامە.
پەیامنێرى 964 لەوێیە و زانیارى زیاترتان بۆ دەگوازینەوە.
نوێکردنەوە کاتژمێر 10:27 خولەک:
چەند دانیشتوویەکى گەڕەکەکە قسەیان بۆ 964 کرد و وەک خۆیان دەڵێن، زیاتر لە دوو هەفتەیە ئاویان نیە، بە تەنکەریش ئاو دەهێنن و بەش ناکات.
باسیان لەوەشکرد، یەک بەرمیل ئاو بە 15 بۆ 20 هەزار دینار پڕدەکەنەوە و بەچەند ماڵێک تەنکەرێک ئاو دەهێنن.
پەیامنێرى 964 ئەوەى خستەڕوو کە هێزەکانى پۆلیس و ئاسایش لەوێ بوون و بڵاوەیان بە خۆپیشاندانى دانیشتووانى گەڕەکەکە کردووە.
ماوەیەکە بەشێک لە گەڕەکەکانى هەولێر بەدەست بێئاوییەوە گرفتارن و پێشتریش لە دانیشتوانى چەند گەڕەکێکى شارەکە بە هەمان هۆکار خۆپیشاندانیان ئەنجامدابوو.
پێداچوونەوە: وریا فەتاح
