مێردمنداڵێك لە گۆپتەپە خنكا و تەرمەكەشی دۆزرایەوە 

+964
عەزیز عەبدوڵا – گۆپتەپە

دوای نیوەڕۆی ئەمڕۆ هەینی مێردمنداڵێك لە ئاوی گوندی گۆپتەپە خنكا، تیمەكانی غەواسیش تەرمەكەیان دەرهێنا.

بە وتەی شایەتحاڵەكان لە ناوچەكە، مێردمنداڵەكە لەگەڵ خێزانەکەی بە مەبەستی گەشتکردن رووی لە ناوچەكە كردووە و لە ئاوی گۆپتەپەدا خنكاوە.

جوتیار جەعفەر یەکێک لە ئەندامانی تیمە خۆبەخشەکانی گۆپتەپەیە و بە 964ی وت، “دوای نیوەڕۆی ئەمڕۆ تیمەکەمان ئاگادارکرایەوە لە حاڵەتێکی خنکان لە گۆپتەپە، دەستبەجێ گەیشتینە شوێنەكە و دوای کەمتر لە یەک کاتژمێر گەڕان، توانیمان تەرمەکەی بدۆزینەوە و دەریبهێنین.
وتیشی، مێردمنداڵە خنكاوەكە دانیشتووی ناحیەی تەکیەیە و تەمەنی 13 ساڵە، دایك و باوكی نەماوە و لای مامی بووە.
لە گوندی گۆپتەپە، كە سەر بە ناحیەی ئاغجەلەرە، دوو تیمی خۆبەخش هەن، كە رۆژانە چاودێریی ئەو گەشتیارانە دەکەن، کە روودەکەنە ناوچەکە و ژمارەیان 15 كەسە، لەگەڵ ئەوەشدا هێشتا رووداوی خنكان هەیە و بە ئاسانی رێگری لە هاوڵاتیان ناكرێت.

پێداچوونەوە: ئەرسەلان عەبدوڵا

ژنێکی 24 ساڵان لە رووباری خابور خنکا