تەرمى هاوڵاتییەک لەناو کەلاوەیەکدا دۆزرایەوە

وریا فەتاح

ئێوارەى ئەمڕۆ، تەرمى کەسێکى تەمەن 70 ساڵ لەناو کەلاوەیەکى گەڕەکى منارە لە هەولێر دۆزرایەوە، پۆلیسیش جارێ قسەى نییە.

شایەدحاڵێک قسەى بۆ 964 کردووە و دەڵێت، کەسەکە ناسراوە و خەڵکى هەمان گەڕەکە، نەخۆشى شەکرەى هەیە و تەمەنى سەروو 70 ساڵ دەبێت، لەناو ئەو کەلاوەیەکى گەڕەکى منارە مردووە.

تیمەکانى بەڵگە و تاوان، تەرمى کەسەکەیان بردووەتە پزیشکى دادى و سەرقاڵى لێکۆڵینەوەن.

بە وتەى پۆلیسى هەولێر، جارێ قسەیان نییە تا تیمەکانى بەڵگە و تاوان راپۆرتى کۆتایى خۆیان لەسەر رووداوەکە تەواو دەکەن.

پێداچوونەوە: وریا فەتاح