هەڵکەندنى دوو بیرى ئیرتیوازى کێشەى ئاوى گوندەکانى بالیسان چارەسەر دەکات

964+

ئاکام غەفور-سۆران

هەڵکەندنى دوو بیری ئیرتیوازی ئاوی پاک لە سنووری ناحیەی بالیسان چووە بواری جێبەجێکردنەوە، شەش گوند و بەشێک لە ناحیەی بالیسان سودی لێ دەبینن.

بیرەکان دەکەونە بنارى چیایی زینەتیر، ئاوی خواردنەوە بۆ گوندەکانی (توتمە، بێڕۆ، شێخ وەسان، کانی بەرد، بێراوە و گورگان و بەشێک لە سەنتەری ناحیەی بالیسان)، دابین دەکەن.

مەهدی مستەفا، بەڕێوەبەری ناحیەی بالیسان، بە 964ـی وت،”لە دوای وشکبوونی دوو بیری ئیرتیوازی، ئەنجومەنی گوندەکان و ناحیەی بالیسان داواکاریان پێشکەشی پارێزگاری هەولێر کرد بۆ چارەسەرکردنی ئەو گرفتە و ئەوانیش داواکارییەکەیان قبوڵکرد و رەزامەندایاندا”.

” لە تەنیشتی بیرە وشکبووەکان بڕیاردرا بە لێدانی دوو بیری تر و لەلایەن تیمەکانی بەڕێوەبەرایتی ئاوی ژێر زەوی و لەسەر بودجەی پارێزگای هەولێر و لە رۆژانی داهاتوودا کارەکان تەواو دەبن”، بەڕێوەبەرى ناحیەى بالیسان واى وت.

بە تەواو بوونى دوو بیرەکە نزیکەی 700 ماڵ لێی سودمەند دەبن و سەرچاوەی ئاوی خواردنەوەیان بۆ دابین دەکرێت.

پێداچوونەوە: وریا فەتاح