10 كه‌س بریندارن
پاسێكی گه‌شتیارى له گه‌لی شێرانه وه‌رگه‌ڕا
964+
هێڤی دێوالی – دهۆک
پاسێكی گه‌شتیاری له گه‌لى شێرانه‌ى سنوورى دهۆك وه‌رگه‌ڕاوه و به‌پێی زانیارییه‌كان چه‌ند گه‌شتیارێك بریندارن.
گه‌لى شێرانه ناوچه‌یه‌كی گه‌شتیارییه و كه‌وتووه‌ته سنوورى ناحیه‌ى دێره‌لووكى سه‌ر به قه‌زاى ئامێدی.
نوێكراوه‌ته‌وه له كاتژمێر 11: 27 خوله‌ك
مه‌سعود بۆتى ، یاریده‌ده‌رى به‌ڕێوه‌به‌رى ته‌ندروستى قه‌زاى ئامێدی به 964ـى راگه‌یاند، له‌و رووداوه 10 كه‌س بریندارن.
وتیشی “چوار له برینداره‌كان برینه‌كانیان سه‌خته و له ژێر چاودێری پزیشكیدان”.
ئاماژه‌ى به‌وه‌شكرد، ئه‌گه‌ر پێویست بكات چوار كه‌سه‌كه ده‌نێرنه نه‌خۆشخانه‌ى دهۆك.
بەقسەی مه‌سعود بۆتى ژمارەی ئەو گەشتیارانەی لەناو پاسەکە بوونە 20 کەس بوون و شەش کەس برینیان سووکە.
964 دەزانێت، لە ئەمساڵدا ئەمە دووەم رووداوی وەرگەڕانە لە گەلی شێرانەو لە رووداوەکەی یەکەمدا کەسێک گیانی لەدەستدا بوو.