بینای بەڕێوەبەرایەتی هاتوچۆی دهۆک وینە هاتوچۆی دهۆک
رێگایەکى دهۆک بەهۆی کارکردنەوە دادەخرێت
هاتوچۆ ئاگاداری شۆفێران دەکاتەوە
964+
ژێوار خدر
بەڕێوەبەرایەتی هاتوچۆی دهۆک ئاگادارییەکی بڵاوکردووەتەوە، تیایدا ئاگاداری شۆفێرو هاوڵاتییان دەکاتەوە، کە بەهۆی کارکردنەوە هەردوو سایدی هاتن و چوونی شەقامی گەلی دهۆک لە دەستپێکەوە تا دەگاتە بەرامبەر عەبدو کافێ دادەخرێت.
لە ئاگادارییەکەی بەڕێوەبەرایەتی هاتوچۆی دهۆکدا هاتووە، لە رۆژی یەکشەممە 21.7.2024 رێگاکە دادەخرێت، بەهۆی ئەوەی بەرێوبەرایەتی شوێنەواری دهۆک چەند کارێک لە گەلیی دهۆکدا ئەنجام دەدات.
شۆفێران و ئەو هاوڵاتییانەی کە ماڵییان دەکەوێتە گوندەکانی پشت بەنداوی دهۆک دەتوانن لەبری ئەو رێگایە، رێگای بەدیلی بێسرییە بەکاربهینن بۆ هاتوچۆکردن تا کاتی تەواوبوونی کارەکانی رێگاکە.
