وێنەی سەلەی خۆڵەکانی قەزای بەردەڕەش وێنە: شارەوانی بەردەڕەش
''پابهند نهبن خزمهتتان ناكهین"
بهردهڕهش بڕیاریدا زبڵ و خاشاكى تهڕ و وشك لهیهكترى جیابكرێتهوه
+964
ژێوار خدر
سەرۆکایەتی شارەوانی قەزای بەردەڕەش ئاگاداری هاوڵاتیانی قەزاکە دەکاتەوە، ئەو ماڵانەی کە سەلەی خۆڵیان بەسەردا دابەشکراوە پێویستە لە بەرواری 20.7.2024ەوە پێویستە زبڵ و خاشاکەکانیان بەپێی وشک و تەڕی جیا بکەنەوە پیش فڕێدانییان.
زبڵ و خاشاكى وشكی وەکو ( شوشه، پلاستيك، دايبی، كارتۆن و قتو وهتد… ) دەبیت بکرێتە ئەو سەلەیەی رەنگی رەشە و لە لایەن شارەوانییەوە دابەشکراوە، زبڵی تەڕی وەک پاشماوەی خواردن و ميوه بکرێتە سەلەی زبڵی ماڵەکان خۆیان.
سیروان حەسەن، سەرۆکی شارەوانی بەردەڕەش بە 964ی وت، ”جیاکردنەوەی زبڵەکە بۆ ئەوەیە ئاسانکاری بکەین بۆ ئەوەی پاشماوە وشکەکان ببرێنە کارگەی ریسایکڵین و ژینگە بپارێزین لە پیس بوون.”
وتیشی، ”بڕیارەکە لە هەر سی قەزای ئاکرێ و بەردەڕەش و شیخان جیبەجێ دەکریت، تا ئێستا لە قەزای بەردەڕەش %93-94ی ماڵەکان سەلەی خۆڵیان وەرگرتووە و بێ بەرامبەر بووە.”
سەرۆکایەتی شارەوانی قەزاکە دەشڵێت، ئەگەر هاوڵاتییان پابەند نەبن، زبڵەکانییان فڕێ نادەین.
