دیمەنی گەڕانی تیمەکان و خەڵک لەسەر زێی گەورە _ وێنە: بۆ 964 نێردراوە
بەرگری شارستانی: خنکاوە
تەرمی ئەو هاوڵاتییە دۆزرایەوە کە لە هەینییەوە بێ سۆراغ بوو
964+
ئەحمەد مستەفا
وتەبێژی بەرگری شارستانی هەولێر رایگەیاند، ” ئەمڕۆ دووشەممە، تەرمی ئەو هاوڵاتییەیان دۆزییەوە کە لە ئێوارەی رۆژی هەینی رابردوو لە زێی گەورە و لەکاتی مەلەوانیدا دیار نەمابوو”.
شاخەوان عومەر بە 964ی وت، “تەرمەکە بە خنکاوی لەلايەن تيمى ژێر ئاوى قەنديل، و دواى سێ رۆژ له گەڕان توانرا لە نزيك گوندى گۆسكه بدۆزرێتەوە”.
ئەو هاوڵاتییە ناوی موحسین کەریمە و تەمەنی 55 ساڵە، رۆژی هەینی 12.7.2024، وتەبێژی بەرگری شارستانی هەولێر بە 964ی وت، “هاوڵاتییەکە خۆی مەلەوان بووە، بەڵام بەهۆی شەپۆلەکانی زێی گەورەوە خنکاوە، تیمەکانی ژێرئاوی قەندیل، کەڵەک، تەق تەق و ئاکرێ لەوێن بۆ دۆزینەوەی تەرمەکەی”.
سەرباز ئەحمەد، کوڕەپوری موحسینە ئەو بە 964ی وت، “پورزاکەمان خۆی کەسێکی مەلەوانە و شارەزایە، بەڵام لەناکاو نوقم بووە”، ئەو وتی “موحسین خێزاندارە و خاوەنی شەش منداڵە”.
