رێگاى بارهه‌ڵگره‌كانه
نۆژه‌نكردنه‌وه‌ى رێگاى مامه‌جه‌لكه له سنوورى هیران ده‌ستیپێكرد
964+
فه‌رهاد حه‌سه‌ن
به‌پێی به‌دواداچوونه‌كانى 964، كاره‌كانى نۆژه‌نكردنه‌وه‌ى رێگاى مامه‌جه‌لكه بۆ سه‌نته‌رى ناحیه‌ى هیران ده‌ستپێكردووه‌و، كه درێژییه‌كه‌ى نزیكه‌ى 20 كیلۆمه‌تر و یه‌كێك له‌و رێگایانه‌یه كه زۆرترین بارهه‌ڵگر هاتوچۆى پێدا دەكه‌ن.
ئه‌مڕۆ كامێراى 964 رێگاكه‌ى به‌سه‌ركرده‌وه، ده‌ركه‌وت كه ده‌ست به نۆژه‌نكردنه‌وه‌كه كراوه و ژماره‌یه‌كی زۆرى ئامێرى به‌ڕێوه‌به‌رایه‌تیى پاراستن و چاككردنى رێگاوبانى هه‌ولێر كار له نۆژه‌نكردنه‌وه‌ى رێگاكه ده‌كه‌ن.
رێگاكه ئیداره‌ى سه‌ربه‌خۆى سۆران له‌لایه‌ن و پارێزگاى دهۆك له‌لایه‌كى دیكه‌وه به ئیداره‌ى راپه‌ڕین و پارێزگاى سلێمانى ده‌به‌ستێته‌وه.
پێشتر، ئومێد خۆشناو پارێزگارى هه‌ولێر له رۆژى 26.6.2024 به‌ردى بناغه‌ى نۆژه‌نكردنه‌وه‌ى ئه‌م رێگایه‌و چه‌ند رێگایه‌كی دیكه‌ى له سنوورى قه‌زاى شه‌قڵاوه و ناحیه‌ى هیران له كۆنگره‌یه‌كی رۆژنامه‌نووسی راگه‌یاند.
چاککردن و قیڕتاوکردنى رێگای هیران – شەقڵاوە، چاککردنەوە و قیڕتاوکردنی چەند رێگایەکى گوندی ئاقوبانی خواروو – بەنداوی ئاقوبان و چاککردنەوە و قیڕتاوکردنى رێگای مامەجەلکە – فریز – هیران، کە هه‌موویان بە گوژمەی نزیکەی شه‌ش ملیار دینار جێبه‌جێ ده‌كرێت.
شەقڵاوە
بریکارەکانى خۆراک ئاگادار دەکرێنەوە
بڕ و جۆرى بەشەخۆراکى مانگى یەک دیاریکرا
تابلۆى هۆشیاری ژینگه‌ییش هه‌ڵده‌واسن
شەقڵاوە فراونترین هەڵمەتی پاککردنەوەی سروشت و ژینگەی ده‌ستپێكردووه
هەریر
لە رووداوێکى هاتوچۆدا گەنجێک گیانى لەدەستدا
"نه پاره‌مان دیاره نه خاوه‌نه‌كه‌شی"