ساڵڕۆژی لەدایکبوونی مێسی
جیهانی تۆپی پێ دەبێت خۆی بۆ ماڵئاواییکردن لە ئەفسانەیەک ئامادە بکات
964+
ژووری هەواڵ
ئەمڕۆ لیۆنێل مێسی، ئەستێرەی ناوداری تۆپی پێ تەمەنی بووە 37 ساڵ.
ئەو لە 24.6.1987 لە شاری رۆزاریۆ لە ئەرجەنتین لەدایک بووە، هاوسەرگیریی كردووە و سێ منداڵی هەیە.
مێسی زیاتر لە 20 ساڵ یاری بۆ یانەی بارسێلۆنا کرد و دواتر دوو ساڵ پەیوەندی بە یانەی پاریس سانجێرمانی فەڕەنسی کرد، ئێستاش یاری بۆ یانەی ئینتەرمەیامی ئەمەریکی دەکات و بە قسەی خۆی ئینتەرمەیامی کۆتا یانەی ژیانی دەبێت و یاری بۆ هیچ یانەیەکی دیكە ناکات.
مێسی لە تەمەنی 37 ساڵیدا 37 ژمارەی پێوانەییشی هەیە لەگەڵ دەیان نازناوی گەورەی تاکەکەسی و گشتی.
مێسی بەرەو كۆتایی كاروانی وەرزشی دەڕوات و ئیتر جیهان دەبێت ماڵئاوایی لە یەكێك لە ناودارترین یاریزانەكانی تۆپی پێ بكات.
