کەسێک گیانی لەدەست دا و دوو کەس بریندار بوون

+964

هیڤی دێوالی-دهۆک

لە بەرەبەیانی ئەمڕۆ چوارشەممە 19.6.2024 رووداوێکی هاتوچۆ لە سەنتەری پارێزگای دهۆک روویدا، بە هۆیەوە کەسێک گیانی لەدەست دا و دوو کەسیش برینداربوون.

بە پێی زانیارییەکانی 964، لە کاتژمێر 5:33 بەیانی ئەمڕۆ رووداوێکی هاتوچۆ لە نێوان دوو ئۆتۆمبێل لەسەر شەقامی گشتیی بەڕێوەبەرایەتیی باجی دهۆک روویداوە، کەسێکی تەمەن سەرووی 40 ساڵ گیانی لەدەستداوە و دوو کەسیش بریندارن، کە خەڵکی پارێزگای دهۆکن.

هەیسەم بەربوهاری وتەبێژی سەنتەری 122 لە دهۆک بە 964ی وت، گەیشتوونەتە سەر رووداوەکە و تیمەکانیان توانیان بریندارەکان لە ناو ئۆتۆمبێل دەربهێنن، کە کەسێک  گیانی لەدەست دا و دوو کەسیش بریندار بوون.

وتیشی، خاوەنی ئۆتۆمبێلی جۆری نیسان لە نەخۆشخانەکە گیانی لەدەست دا  و دوو بریندارەکەش ئێستا لە فریاکەوتنی نەخۆشخانەی ئازادی لە ژێر چاودێریی پزیشکدان.

پێداچوونەوە: ئەرسەلان عەبدوڵا

لە دوو رووداوی هاتوچۆدا کەسیك گیانی لەدەستدا و کەسیکیش بریندارە

+1