ترەمپ: وەک گەورەترین بەشداربووی دارایی و سەربازی لە ناتۆ دەمێنینەوە

شۆڕش قادری

سەرەڕای رەخنە بەردەوامەکانی لە ناتۆ، ترەمپ رایگەیاند، وەک گەورەترین بەشداربووی دارایی و سەربازی لە ناتۆ دەمێننەوە.

هەر ئێستا دۆناڵد ترەمپ سەرۆکی ئەمریکا لە پەراوێزی لوتکەی ناتۆ لە تورکیا وتارێک پێشکەش دەکات و دەڵێت، “ئەمریکا وەک گەورەترین بەشداربووی دارایی و سەربازی لە ناتۆدا دەمێنێتەوە”.

داوایشی کرد، هەرچی زووتر ئامێرەکانی بەرگری بەرهەم بهێنین و لەناو لوتکەکەش رێککەوتوون کە خەرجییەکانی بەرگری لە 2% بۆ 5%  زیاد بکەن.

ئەوەش لەکاتێکدایە کە لە ماوەی رابردوودا دۆناڵد ترەمپ بەردەوام رەخنەی لە بڕیارەکانی ناتۆ گرتووە و لەوانەش بەشداری نەکردنی لە شەڕی دژ بە ئێران.

ترەمپ جارێکی تر باسی ئێرانی کردەوە و وتی، “سوپای ئێرانمان لەناوبرد، 59 کەشتیمان نوقم کرد و سەدان فڕۆکە و ڕادار و سەرکردەکانیان لەناوبراون”.

دووپاتیشکردەوە، ئەو کارانەی ئێستا بەرامبەر ئێران دەیکەن، دەبوو 47 ساڵ لەمەوبەر بیانکردایە.