10 تیم سەرقاڵی کۆنترۆڵکردنین
ئاگری پاڵاوگەکەی هەولێر بەردەوامە
964+
توانا نەقی
ئاگری پاڵاوگەکەی رێگای هەولێر – گوێر بەردەوامە و تا دێت تەشەنەدەسێنێت و 10 تیمی بەرگری شارستانی سەرقاڵی کۆنترۆڵکردنین.
پەیامنێری 964 لە شوێنی ئاگرەکەوە رایگەیاند، بەهۆی ئاگرەکەوە تا ئێستا سێ تانکەر تەقیوەتەوە و بڵێسەی ئاگرەکە تا دێت زیاتر دەبێت.
ئاگرەکە بە دیاریکراوی بەرامبەر پاڵاوگەی لانازە و پێنج کیلۆمەتر لە گوندی جمکەوە دوورە.
ئاگرەکە لە پاڵاوگەی کۆمپانیای مەجد عێراق کەوتووەتەوە کە ناوتی خاوی تێدایە و هەروەها بەرمیلیش دروست دەکرێت.
پێداچوونەوە: توانا نەقی
