ئاڵوگۆڕی ساڵانەی بازرگانی عێراق و هیندستان 29 ملیار دۆلارە

964+
ئەحمەد مستەفا

سەرۆکی ژووری بازرگانی سلێمانی رایگەیاند، “ئاڵوگۆڕی بازرگانی نێوان عێراق و هیندستان بە هەرێمی کوردستانیشەوە ساڵانە زیاتر لە 29 ملیار دۆلارە”.

ئەمڕۆ پێنجشەممە 6.6.2024، لە هوتێل گراند ملنیۆم لە سلێمانی، بە ئامادەیی ژووری بازرگانی و پیشەسازی سلێمانی و کونسوڵی کۆماری هیندستان بەوەکالەت لە هەولێر، ژمارەیەک لە بازرگانان و پیشەسازان و کۆمپانیاکانی پارێزگای سلێمانی ئیڤێنتی روبەڕوی ئابووری و بازرگانی کۆمپانیاکان لەگەڵ زیاتر لە 20 کۆمپانیای وڵاتی هیندستان بەڕێوەچوو.

ئەو کۆمپانیایەی لەوڵاتی هیندستانەوە بەشداربون لە بوارەکانی، “خۆراک و کشتوکاڵ (خۆراکی ئۆرگانیک)، خۆراکی پرۆسێس کراو و خۆراکی بەستوو و پاکەت کراو، ئۆتۆمبێل و پارچەی یەدەگی ئۆتۆمبێل و پێکهاتەکانی، قوماش و جلوبەرگ/کەلوپەلی ناوماڵ، کاری دەستی دار، بەرهەمی چەرمی (جلد)، دەرمان و چاودێری تەندروستی، ئامێر بەگشتی، بیناسازی، وزەی نوێبونەوە، سیستەمی وزەی خۆر، بەرهەمی ئەندازیاری، یاری و کەلوپەلی وەرزشی، بەهارات، ئامێری کارەبایی.

بە گوێرەی راگەیەندراوی کۆبوونەوەی هەردوولا کە وێنەیەکی لە بەشی راگەیاندنی ژووری بازرگانی سلێمانی بە 964 گەیشتووە، “لە ئیڤێنتەکەدا هەریەک لە سەرۆکی لقی سلێمانی یەکێتی هاوردە و ناردنکارانی هەرێمی کوردستان و سەرۆکی ژووری بازرگانی سلێمانی جەختیان لەسەر بەهێزترکردنی پەیوەندیەکان و ئاڵوگۆڕی بازرگانی نێوان هەرێمی کوردستان و کۆماری هیندستان کردووەتەوە”.

هەروەها، نەوزاد غەفوور، سەرۆکی ژووری بارزگانی و پیشەسازی سلێمانی رایگەیاندووە، “ئاڵوگۆڕی بازرگانی نێوان عێڕاق و هیندستان بە هەرێمی کوردستانیشەوە ساڵانە زیاتر لە 29 ملیار دۆلارە، کە زۆرینەی خۆراک و خواردەمەنییەکانە”.

بە پشتگیری ژووری بازرگانی سلێمانی ڤیزای چین وەردەگرن

خاوەن خانەکانی عەلوەی رۆژئاوا داوای چارەسەر لە ژووری بازرگانیی سلێمانی دەکەن