چاوەڕێی ئەکرد ببێت بە وەزیر خانەنشین کرا
ئەفسەرێک بەهۆی دەرکەوتنی لەگەڵ ژنێک سزادرا
+964
پەری ساڵح
وەزارەتی ناوخۆی عێراق بە تۆمەتی بەکارهێنانی پیشەکەی بۆ کاری نائەخلاقی ئەفسەرێکی بە ناچاری خانەنشین کرد و لە کارەکەی دووری خستەوە، دوای ئەوەی لە ڤیدیۆیەکدا لەگەڵ ژنە کارمەندێکی فڕۆکەخانە لە تیکتۆک دەرکەوت.
لە گفتوگۆی ناو ڤیدیۆکەدا دەردەکەوێت، لە رێگای پارەوە ئەم ژنە واستەی بۆ کردووە و پلەکەی بەرزکراوەتەوە دوعاشی بۆ دەکات ببێتە وەزیر لە وەزارەت، ئەفسەرەکەش دەڵێت، من هیچم نەکردووە و سوپاسی واستەکانی تۆ دەکەم
وەزارەتی ناوخۆ دووپاتی دەکاتەوە کە رێگە بە هیچ جۆرە سوکایەتییەک نادات لەلایەن هیچ ئەفسەرێک یان فەرمانبەرێکەوە کە هەوڵی پێشێلکردنی ڕەفتار ی نایاسایی بدات، هەروەها جەخت لەوە دەکاتەوە کە پێویستە هەموو فەرمانبەران لە هەر شوێن و کاتێکدا نمونە بن، چونکە نوێنەرایەتی دامەزراوەیەکی ئەمنی دەکەن.