پڕۆژەیەکى ستراتیژى کارەبا جێبەجێ دەکرێت

964+

وریا فەتاح

لە هەڵەبجە پڕۆژەیەکى ستراتیژى کارەبا بە بڕى زیاتر لە چوار ملیار دینار جێبەجێ دەکرێت کە گرنگییەکى زۆرى دەبێت بۆ گواستنەوەى وزە و دابەشکردنى کارەبا لە سنوورى سەیدسادق و هەڵەبجە.

ئەندازیار شەماڵ سابیر، سەرۆکى لیژنەى سەرپەرشتیارى پڕۆژەکە رایگەیاند، پڕۆژەى بەستنەوەى دوو هێڵى 33 کەیڤى لە نێوان هێڵى 132 کەیڤى هەڵەبجە و وێستگەى خورماڵ جێبەجێ دەکرێت.

بە وتەى شەماڵ سابیر، درێژى پڕۆژەکە 23 کیلۆمەترە و زیاتر لە چوار ملیار دینارى بۆ تەرخانکراوە کە لەسەر بودجەى 8%ـى داهاتى کارەباى سلێمانى جێبەجێ دەکرێت.

وەک ئەوەى باسى دەکات، پڕۆژەکە یارمەتیدەرێکى زۆر باش دەبێت بۆ تۆڕەکانى کارەباى هەڵەبجە و گواستنەوەى وزە و دابەشکردنى کارەبا لە هەڵەبجە و سەیدسادق.

لەئێستادا کار لە پڕۆژەکەدا بەردەوامە و بە تەواوبوونى پڕۆژەکە، هێڵى 132 کەیڤى پێنجوین بەکار دەخرێتەوە.

ئاگاداربن ئاوى پڕۆژەى هایدرۆپاوەرى دێرەلوک بەر دەدرێتەوە