دیمەنی کۆبوونەوەی ئەم بەیناییەی سەرۆککۆمار بۆ دەستنیشانکردنی وەک سەرۆککۆماری نوێی ئێران.وێنە.ئاژانسی هەواڵی فارس
بە فەرمانی رابەری باڵای کۆماری ئیسلامی ئێران
بە فەرمی جێگری یەکەمی سەرۆک کۆمار راسپێردرا بۆ بەڕێوەبردنی دەوڵەت
964+
توانا نەقی
بەیانی ئەمڕۆ دووشەممە میدیا فەرمیەکانی ئێران بڵاویان کردەوە، لە کۆبوونەوەیەکدا و بە فەرمانی رابەری باڵای کۆماری ئسلامی ئێران محەمەد موخبیر وەک سەرۆککۆماری کاتی ئێران دەستنیشان کرا.
محەمەد موخبیر دوای دەستنیشانکردنی وەک سەرۆککۆمار، رایگەیاند، هەموو گەلی ئێران و ئایەتوڵا خامنەیی رابەری باڵا دڵنیا دەکاتەوە سەرۆککۆماری خەڵک دەبێت و خزمەتکار دەبێت.
دەشلێت، ئەو خزمەتەی سەرۆک رەئیسی کردوویەتی ناوەستین و لەسەر رێگەکەی بەردەوام دەبن.
کۆبوونەوەکە بە بەشداری سەرۆکی پەرلەمان و سەرۆکی ئەنجومەنی دادوەری و جێگری یەکەمی سەرۆککۆمار بە ڕێوەچوو.
راسپارادنەکە بە پێی مادەی 131ـی دەستووری ئێران بۆ ماوەی دوو مانگ دەبێت و دەبێت پێش کۆتایی هاتنی ئەو وادەیە سەرۆککۆمار هەڵبژێردرێت خۆ ئەگەر هەڵنەبژێردرا ئەوا رابەری گشتی دەسەڵاتی خۆی بەکار دەهێنێت و خۆی کەسێک بۆ سەرۆککۆمار دەستنیشان دەکات.
دوای کەوتنە خوارەوەی کۆپتەرەکەیان هەرەیەک لە ئیبراهیم رەئیسی سەرۆککۆمار و ئایەتوڵا ئەلهاشم ئیمام جومعەی تەبرێز و حسێن ئەمیر عەبوڵاهیان وەزیری دەرەوە و پارێزگاری ئازەربایجانی رۆژئاوا و هاوڕیکانیان گیانیان لەدەستدا.
