دیمهنێكی دهرهوهى نەخۆشخانەی لەدایکبوون و منداڵانی سۆرانی فێرکاری ... وێنه: سۆشیاڵ میدیاى نهخۆشخانه
ته‌ندروستى: كێشه‌كه كاتییه
ئامێرەكانی MRI لە نەخۆشخانەكانی ئیدارەی سۆران كێشه‌یان تێكه‌وتووه
964+
فه‌رهاد حه‌سه‌ن
ئامێرەكانی پشكنینى MRI نەخۆشخانەكانی ئیدارەی سۆران كێشه‌یان تێكه‌وتووه و له‌كار كه‌وتوون، به‌ڵام ته‌ندروستى سۆران ده‌ڵێت، كێشه‌كه‌یان كاتییه.
د. حه‌مرین مینه ئه‌حمه‌د، بەرێوەبەری تەندروستی سۆران به 964ـى راگه‌یاند، كێشه‌ى غاز له ئامێره‌كانى MRI دروستبووه و ئێستا سەرقاڵی چاككردنەوەیانن.
وتیشی،”له‌هه‌ردوو نه‌خۆشخانه‌ى ئاشتى و له‌دایكبوونى سۆران كێشه بۆ ئه‌م ئامێرانه دروستبووه و به‌وهۆیه‌وه ناتواندرێت پشكنینیان پێبكرێت”.
ئاماژه‌ى به‌وه‌شكرد، كار له‌سه‌ر چاككردنه‌وه‌ى ئامێره‌كانى MRI ده‌كرێت و له‌م رۆژانه ده‌كه‌ونه‌وه كار.
به‌قسه‌ى به‌ڕێوه‌به‌رى ته‌ندروستى، ئه‌م ئامێرانه فشارێكی زۆری هاوڵاتیانیان له‌سه‌ر نییه وه‌ك ئامێری CTscan كه له‌و ئامێره گرنگتره و به‌رده‌وامیش كارى پێده‌كرێت.
