وێنەی تۆمەتبارەکە دوای دەستگیر کردنی. فۆتۆ: پۆلیسی سلێمانی
پێشینەی تاوانی هەیە
لە زڕگوێز کەسێک لەسەر تەقەکردن لە دراوسێکەی دەستگیر کرا
964+
ژووری هەواڵ
پۆلیسی سلێمانی کەسێکیان لە ناوچەی زڕگوێز دەستگیر کرد کە تەقەی لە دراوسێیەکی خۆی کردووە و لە چەند بنکەیەکی پۆلیس داواکراو بووە.
ئەمڕۆ یەکشەممە 12.5.2024، سەرکەوت ئەحمەد، وتەبێژی پۆلیسی سلێمانی بە 964ـی راگەیاند، کەسێکیان دەستگیر کردووە کە پێشتر لەسەر شەڕکردن و زیادەڕۆیی بۆسەر موڵکی گشتی، لە دوو بنکەی پۆلیس فەرمانی گرتنی هەبووە.
تۆمەتبارەکە لەسەر سکاڵای دراوسێکەی دەستگیر کراوە و بە وتەی سەرکەوت ئەحمەد، “تەقەکردنەکەی هیچ زیانێکی گیانی نەبووە”.
بەگوێرەی مادەی 430 لە یاسای سزادان، لەلایەن دادوەر فەرمانی دەستگیر کردنی بۆ دەرکراوە.
زڕگوێز، گوندێکە دەکەوێتە باشووری رۆژئاوای سلێمانی و لەرووی ئیدارییەوە سەر بەناحیەی عەربەتە و ژمارەی دانیشتوانی نزیەکەی 500 ماڵ دەبێت.
