قایمقام رهتیدهكاتهوه
گومان دهكرێت هاوڵاتییه ونبووهكهى قهرهداغ دهستگیركرابێت
964+
فەرهاد حەسەن
ماوهى 11 رۆژه هاوڵاتییهكی تهمهن 74 ساڵ لهسنوورى قهرهداغ ونبووه، تا ئێستا نهدۆزراوهتهوه، یهكێك له كوڕهكانیشی گومانى ههیه كه باوكى دهستگیركرابێت.
هاوڵاتییهكه ناوى نەجمەدین محەمەد ساڵح، خهڵكی تهكیهیه و له رۆژى 1.5.2024 ـهوه بهمهبهستى كۆكردنهوهى قهزوان لهماڵ چووهته دهر و نهگهڕاوهتهوه.
سیروان قهرهداغى، زاواى ئهو هاوڵاتییه ونبووه به 964ـى وت، راسته گومانێك لهلایهن كوڕهكهى بڵاوكراوهتهوه كه باوكى لهلایهن هێزه ئهمنییهكانهوه دهستگیركرابێت، بهڵام دهڵێت، ئهوه تهنیا گومانه و هیچ بهڵگهیهك نییه.
وتیشی “تاوهكو ئهمڕۆ گهڕان بهدوایدا بهردهوام بووه و نهدۆزراوهتهوه”
یهكێك له كوڕهكانى ئهم هاوڵاتییه له سۆشیاڵ میدیاكانى قهرهداغ وتبووى، باوكى لهلایهن هێزى ئهمنی ئهم سنوورهوه دهستگیر كراوه، چونكه وتبووى “باوكم بهردهوام قسهو رهخنهى زۆرى لهسهر ئهم دۆخه ههیه و پێدهچێت لهلایهن هێزه ئهمنییهكانهوه قسهى كردبێت و دهستگیریان كردبێت”.
لایخۆشییهوه، رهئوف شێخ كهمال، قایمقامى قهزاى قهرهداغ بۆ 964 ئهوهى رهتكردهوه كه ئهم هاوڵاتییه لهلایهن هیچ هێزێكی ئهمنى سنوورهكهیهوه دهستگیر كرابێت، بهڵكو ونبووه و نهدۆزراوهتهوه بۆیه ئهم گومانهیان كردووه.
وتیشی “چهند رۆژێك لهمهوبهر كهسوكاری ئهم هاوڵاتییه سكاڵایان لهسهر ونبوونى باوكیان لهدادگا تۆمار كردووه”.
ئاماژهى بهوهشكرد، لهگهڵ ئاسایشی سلێمانى لهبارهى ونبوونى ئهم هاوڵاتییه قسهى كردووه و ئهوانیش بهو ونبوونهى ئاگادارن.
پێشتر قایمقامى قهرهداغ به 964ـى وتبوو، هاوڵاتییهكه هیچ نهخۆشی و حاڵهتێكی خراپی دهروونى و تهندروستى نییه و سێ ساڵ لهمهوبهریش ونبووبوو و دواتر كاتێك دۆزیویهتیانهوه دهركهوت ئهوكات لهسهر دار قهزوانێك كهوتبووه خوارهوه و توانی رۆیشتنى نهمابوو.