رێگای مامەجەلکەی شەقڵاوە
هێرشی پێچەوانەی بارهەڵگرەکان دەستیپێکرد
+964
ئاکام غەفور- خەلیفان
لە مامەجەلکە ئۆتۆمبێلی بارهەڵگر رێگای شەقلاوەیان داخستووە، قەرەبالغییەکی زۆر دروست بووە، داواکاری ئەوان ئەوەیە رێگایەکیان بۆ بکرێتەوە.
هاتوچۆ بڕیاری داوە نە تونێلی پیرمام و نە چەند رێگایەکی دیکە بارهەڵگرەکان بۆیان نییە هاتوچۆی پێدا بکەن.
محەمەد عەلی شۆفێری بار هەڵگر بۆ 964 وتی، لە دوێنێ نیوەڕۆوە لەو رێگایە گیری کردووە و ناتوانێت دەرچێت.
دڵشاد قادر شۆفێرێکی دیکەیە و دەڵێت، هیچ رێگایەکیان بۆ نەماوەتەوە نازانن بە کوێدا هاتوچۆ بکەن و ئەوانیش بژێویان لەسەر ئەو شۆفێریکردنەیە ئەگەر رێگا نەدەن هاتوچۆ بکەن دەبێت بڕۆنە ماڵەوە دابنیشن.
پێداچوونەوە: توانا نەقی