نەخۆشخانەی منداڵبوونی سلێمانی - وێنە: 964
مانگی رابردوو
لە سلێمانی هەر رۆژێک زیاتر لە 28 منداڵ لەدایک بوون
964+
پێشەوا محەمەد
مانگی رابردوو 857 منداڵ لە شاری سلێمانی لەدایکبوون، تەندروستی سلێمانی دەڵێت، لەدایکبوون بە سروشتی زیاتر بووە.
بە پێی ئامارێکی بەڕێوەبەرایەتی تەندروستیی سلێمانی، مانگی رابردوو دوو هەزار و 270 نەخۆش سەردانی نەخۆشخانەی منداڵبوونی فریاکەوتنی فێرکاری سلێمانییان کردووە و هەزار و 497 نەخۆش داخڵ کراون.
بە پێی ئامارەکە، لەو رێژە منداڵەی لەدایکبوون 446 منداڵیان كوڕ بوون و 411 منداڵیان كچ بوون، لەو ژمارەیە 491 منداڵ بە شێوەی سروشتی لەدایكبوون و ئەوانی دیکەش بە نەشتەرگەری لەدایکبوون.
“لە مانگی رابردوودا لە نەخۆشخانەی منداڵبوونی فریاكەوتنی فێركاری 190 منداڵ لە بەشی نەبەكام داخڵ كراون و 13 حاڵەتی لەدایكبوونی دووانە و دوو حاڵەتی لەدایكبوونی سیانە هەبووە، هەروەها 131 لەبارچوونی منداڵ تۆمار كراوە و هەزار و 179 سۆنەریش گیراوە”, تەندروستی سلێمانی وادەڵێت.
مانگی سێی ئەمساڵ 832 منداڵ لە شاری سلێمانی لەدایک بوون, هەروەها 99 حاڵەتی لەبارچوونی منداڵ تۆمار کرابوو.