دیمەنی پەروەردەی شارەزوور.وێنە.پەروەردەی شارەزوور
لە شارەزوور
بەهۆی کەش و هەواوە دەوامی خوێندنگەی سەرەتایی و باخچەکان راگیران
964+
توانا نەقی
دەوامی دووەم یان دوای نیوەڕوانی قوتابخانە سەرەتاییەکان و باخچەکانی ساوایان لە شارەزوور بەهۆی نالەباری کەش و هەواوە راگیران.
ئەمڕۆ سێشەممە، پەروەردەی شارەزوور بڵاویکردەوە، بە پرس و راوێژ بە پەروەردەی گشتی سلێمانی و قایمقامی شارەزوور، بڕیاریانداوە دەوامی باخچەکانی منداڵان و قوتابخانەکانی 1 -6 بنەڕەتی لە دوای نیوەڕوان رابگیرێت.
دەشڵێت، لە قوتابخانە ئامادەییەکان و قۆناغەکانی 7 -9 دەوام ئاسایی دەبێت.
چەند رۆژێکە شەپۆلێکی بارانبارین و تەرزە رووی لە ناوچەکانی هەرێم کردووە و بە پێی پێشبینییەکانی کەشناسی لە دوای نیوەڕۆی ئەمڕۆوە لێزمە باران دەبارێت.
