دیمهنێكى سهرهى غاز ... وێنه :سۆشیاڵ میدیا
زیاتر له 15 هه‌زار خێزانه
هه‌ر خێزانێكی حاجیاوا 20 رۆژ جارێك غازی پێده‌درێت
964+
فه‌رهاد حه‌سه‌ن
به‌ڕێوه‌به‌رى ناحیه‌ى حاجیاواى سه‌ر به ئیداره‌ى راپه‌ڕین ده‌ڵێت، به‌پێی ئه‌و پلانه‌ى بۆ به‌شه غازى ماڵانیان داناوه، هه‌ر 20 رۆژ جارێك غاز به خێزانه‌كان ده‌درێت و چاودێری وردى وه‌كیله‌كانی غازیش ده‌كه‌ن.
زیاتر له ساڵێكه ناحیه‌ى حاجیاوا كراوه‌ته قه‌زا، به‌ڵام تاوه‌كو ئێستاش هیچ ده‌سه‌ڵاتێكى قایمقامیه‌تى نه‌دراوه‌تێ و كاروباره‌كان به‌ڕێوه‌به‌رى ناحیه به‌ڕێوه‌ى ده‌بات.
ئه‌زوه‌ر جه‌عفه‌ر، به‌ڕێوه‌به‌رى ناحیه‌ى حاجیاوا به 964ـى وت، كه‌موكوڕیان له به‌شه غازى ماڵان هه‌یه و هه‌ر 20 رۆژ جارێك خێزانه‌كان غازیان پێده‌درێت.
وتیشی “به‌پێی ژماره‌ى دانیشتوانمان كه زیاتر له 15 هه‌زار خێزانه، بڕێكی كه‌متر غازمان بۆ دێت بۆیه پلانه‌كه‌مان به‌و شێوه‌یه‌یه و زۆرجارانیش له بێتواته و چوارقوڕنه بۆمان هاتووه”.
به‌ڕێوه‌به‌رى ناحیه‌ى ئه‌وه‌ى ره‌تكرده‌وه كه غاز نه‌درێته كرێچییه‌كانى ناحیه‌كه‌ى وه‌ك ئه‌وه‌ى بڵاوكراوه‌ته‌وه و ده‌ڵێت “بۆ هه‌موو هاوڵاتییان وه‌كو یه‌ك دابین كراوه”.
ئه‌وه‌شی نه‌شارده‌وه كه زۆرجاران كێشه‌و گرفت له‌نێوان بریكار و هاوڵاتیان دروستبووه و ئه‌وانیش لێپرسینه‌وه‌یان له‌گه‌ڵ ئه‌و بریكارانه كردووه كه رێنماییه‌كانیان جێبه‌جێ ناكه‌ن.