دیمەنی کارکردن لە شەقامی 30 مەتری وێنە. پارێزگای هەولێر.
بودجەکەی نزیکەی یەک ملیار و نیوە
پێنج شەقامی 30 مەتری لە هەولێر قیرتاو دەکرێن
964+
توانا نەقی
لە یەکێک لە گەڕەکە فراوانەکانی هەولێر پێنج شەقامی 30 مەتری قیرتاو دەکرێت و بودجەکەشی نزیکەی ملیار و نیوێکە.
ئەمڕۆ پێنجشەممە، پارێزگای هەولێر بڵاویکردەوە، پێنج شەقامی 30 مەتری کە دەکەونە چەند شوێنێکی گەڕەکی هەولێری نوێ کە گەڕەکێکی فراوانە لەسەر داهاتی 15%ـی سەرۆکایەتی شارەوانی هەولێر جێبەجێ دەکرێت.
دەشڵێت، گوژمەی پرۆژەکە لە بڕی ملیارێک و 489 ملیۆن دینار پێکدێت، لە چوارچێوەی گەیاندنی پڕۆژە خزمەتگوزارییە پێویستەکان دابینکراوە.
964 بۆ وەرگرتنی زانیاری زیاتر لەسەر پرۆژەکان و جێگاکانی ئەو پرۆژەیە بە دیاری کراوی پەیوەندی بە سەرۆکی شارەونی هەولێرەوە کرد وەڵامی نەدایەوە.
