"چوار فیشەک بە جەستەیەوە بووە"
نەخۆشخانەی شەهید رەئوف بەگ لە شارەزوور: تەرمی کەسێکیان بۆ هێناین
964+
ئەحمەد مستەفا
تەرمی کەسێک لە ناحیەی زەڕایەن گەیاندرایە نەخۆشخانەی شەهید رەئوف بەگ لە قەزای شارەزوور و بەڕێوەبەری راگەیاندنی نەخۆشخانەکە دەڵێت، “ئاسەواری چوار فیشەک بە جەستەیەوە بووە”.
پاش گەیاندنی، نەخۆشخانەکە ئۆتۆمبێلی بۆ ئامادەکردووە و تەرمەکەیان، رەوانەی پەیمانگەی پزیشکی دادی کردووە لە سلێمانی.
ئەمڕۆ سێشەممە 30.4.2024، کەمال تاوەگۆزی، بەڕێوەبەری راگەیاندنی نەخۆشخانەی شەهید رەئوف بەگ لە قەزای شارەزوور بە 964ی وت، “کاتژمێر 4:45 خولەکی ئێوارەی ئەمڕۆ تەرمەکە هێندراوەتە نەخۆشخانەکە و لەلایەن پزیشکەکانەوە ئاسەواری چوار فیشەک بە جەستەیەوە بینراوە”.
کەسەکە ناوی (س،ح) و تەمەنی لە نێوان 45 بۆ 50 ساڵیدایە، بەڕێوەبەری راگەیاندنی ئەو نەخۆشخانەیە زانیاری لە بارەی هۆکاری گیان لەدەستدان یان کوژرانی کەسەکە نەخستەڕوو.
لەم هەفتەیەدا شارەزوور دوو گەنجى لەدەستدا
