لەوێ دەبن
بەرگرى شارستانى بۆ پاراستنى ئەزمڕ و گۆیژە لە ئاگر چى دەکات ؟
964+
وریا فەتاح
بڕیارە چیاى گۆیژە و ئەزمڕ ئاگڕبڕ بکرێن و مەفرەزەکانى بەرگرى شارستانیش بە شێوەى جوڵاو بەردەوام چاودێرى شوێنەکە دەکەن.
ئارام عەلى، وتەبێژى بەرگرى شارستانى سلێمانى بە 964ـى وت،”هەفتەى رابردوو لە قایمقامییەت کۆبووینەوە، بڕیارە شارەوانى سلێمانى و پۆلیسى دارستان ئاگربڕى چیاى گۆیژە و ئەزمڕ بکەن”.
دەشڵێت: ئاگربڕەکە بۆ رێگریکردنە لە ئاگرکەوتنەوە، یان ئاسان رێگریکردن لە تەشەنەکردنى.
بە وتەى ئارام عەلى، مەفرەزەى جوڵاویان دەبێت لە چیاى گۆیژە و ئەزمڕ، جگە لە پێدانى رێنمایى بەو کەسانەى دێنە ئەو شوێنە، چاودێرى ئاگرکەوتنەوەش دەکەن و هەرکاتێکیش ئاگرکەوتنەوە رووبدات بە زویى دەگەنە شوێنەکە.