دیمەنێکی رووداوەکە. فۆتۆ:964
لە کوێ؟
رووداوێکی هاتوچۆ چوار برینداری لێکەوتەوە
964+
رێژوان مامە قادر – سلێمانی
لەسەر رێگای نێوان چەمچەماڵ و تەکیەی کاکەمەند رووداوێکی هاتوچۆ روویداوە و چوار برینداری لێکەوتووەتەوە و برینی یەکێکیان سەختە.
رووداوەکە کاتژمێرێک بەر لە ئێستا لە نێوان ئۆتۆمبێلی جۆری هۆندا سانتافی و پیکابێکدا روویداوە.
عومەر عەلی، بەڕێوەبەری هاتوچۆی چەمچەماڵ بە 964ی راگەیاند، لە رووداوەکەدا دوو ژن و دوو پیاو بریندار بوون.
وتیشی، “برینی یەکێک لە پیاوەکان سەختە و بەپەلە رەوانەی سلێمانی کراوە بۆ چارەسەر”.
پێداچوونەوە: ئەرسەلان عەبدوڵا
