نرخی نەوت هەر لە بەرزیدایە

توانا نەقی

نرخی نەوت لە بازاڕەکانی جیهاندا بۆ ئەمڕۆ پێنجشەممە بەرزبوونەوەی بەخۆوە بینیوە.

نرخی هەر بەرمیلێک نەوتی برێنت بە 86 دۆلار و 43 سەنت مامەڵەی پێوەدەکرێت و بەوە بە رێژەی 0.34% نرخەکەی بەرزتربووەتەوە.

هەرچی نرخی بەرمیلێک نەوتی خاوی تەکساسیشە 81 دۆلار و 82 سەنتە و بە رێژەی 0.47% بەرزتر بووەتەوە.

بەرزترین نرخی تۆمارکراوی سێ مانگی رابردوو رۆژی 19.3.2024 بوو نرخی هەر بەرمیلێک نەوتی برێنت گەیشتە 87 دۆلار و 38 سەنت.

لەماوەی سێ مانگی رابردوودا گەرمترین ئەو رووداوانەی بوونەتە هۆکاری بەرزبوونەوەی نرخی نەوت، هێرشەکانی ئیسرائیلە بۆسەر کەرتی غەزە و هاوکات هێرشی حوسیەکانە بۆسەر ئەو کەشتیانەی بە دەریای سوور تێپەڕ دەبن.

25.3.2024 ساڵێکی تەواو تێپەڕی بەسەر راگرتنی هەناردەکردنی نەوتی هەرێمی کوردستان، بەپێی راپۆرتێكی “ئەپیکۆر” لەم ساڵەدا هەرێم و کۆمپانیا نەوتییەکان 11 ملیار دۆلار زیانیان بەرکەوتووە.