چۆن کێشی لەش لە مانگی رەمەزاندا دادەبەزێنیت؟

964+

ژووری هەواڵ

زۆرێک لە هاوڵاتیان هەوڵدەدەن لە مانگی رەمەزاندا کێشی لەشیان دابەزێنن، کۆمەڵیک خواردن هەیە کە وادەکەن ئەو پرۆسەیە ئاسانتر بکەن لەو مانگەدا .

دوای رۆژووشکاندن بە ئاو و خورما، دەست بکە بە خواردنی قاپێک زەڵاتەی گەورە کە پێکهاتبێ لە خەیار و کاهو ترۆزی و سەرجەم سەوزەواتەکانی تر کە حەزت لێیە ئەمە زۆر گرنگ و پێویستە، چونکە بەشێکی زۆری گەدەت پڕ لە خواردنی بەسود دەبێ، هەروەها نەخواردنی شیرنەمەنیەکان و شەربەتە دەستکردەکان و خواردنەوە گازییەکان و خواردنە سورکراوەکان و چەورییەکان بە درێژایی مانگی رەمەزان.

هەروەها گرنگیدان بە وەرزشکردنی رۆژانە، بۆ ماوەی یەک کاتژمێر، باشترین کاتیش پێش بانگی مەغریب یاخود دوو کاتژمێر دوای رۆژووشکاندن و زیادکردنی جووڵە لە تەواوی رۆژەکەدا.

هەروەها کەمکردنەوەی نانی سپی و سەمون و برنج و فاست فوود و خواردنەوەی بڕێکی باشی ئاو بە شێوەیەکی رێکخراو و بەجۆڕێک، کە بۆ هەر نیو کاتژمێر جارێک یەک پەرداخ ئاو بخورێتەوە.

هەروەها رێکخستنی سیستەمی خەوتن بەجۆرێک کە بە شەوان بخەوی و بە رۆژ بەخەبەربی و جوڵەت هەبێ.