چوار تۆن دەرمان دەدرێتە تەندروستیی سلێمانی

964+

ژووری هەواڵ

رێکخراوی منداڵپارێزی کوردستان بڕێک دەرمانی بەخشییە بەڕێوەبەرایەتی تەندروستیی سلێمانی و بڕیارە بەسەر نەخۆشخانەکانی هەڵەبجە، گەرمیان و راپەڕیندا دابەش بکرێن.

دەرمانەکان پێکهاتوون لە چوار تۆن و 200 کیلۆگرام دژەبەکتریا، دژە کەڕووەکان و ئازارشکێن کە لەلایەن رێکخراوی Direct Relief دابینکراوە بۆ منداڵپارێزی کوردستان و دراوە بە تەندروستی سلێمانی.

بڕیارە دەرمانەکان بەسەر نەخۆشخانەی شار، سەنتەری ژیانەوە بۆ چارەسەرکردنی شێرپەنجە، نەخۆشخانەی هیوا، نەخۆشخانەی ژنان و منداڵبوون، نەخۆشخانەی پێست، نەخۆشخانەکانی شۆڕشی فێرکاری، پارێزگای هەڵەبجە، ئیدارەی گەرمیان، چەمچەماڵ، ئیدارەی راپەڕین و چەند نەخۆشخانەیەکی دیکە دابەش بکرێن.

زانیارییەکان ئەمڕۆ دووشەممە 11.3.2024، لەلایەن بەڕێوەبەرایەتی تەندروستیی سلێمانی بڵاوکراوەتەوە و لە کۆنفرانسێکی رۆژنامەوانیدا باس کراوە.

تەندروستی سلێمانی پشتگیری لە داواکاری کۆمپانیاکانی دەرمان دەکات