لە کەلار دوو راوچی دەستگیر کران – وێنە؛ پۆلیسی دارستان و ژینگەى گەرمیان
تەقەیان کردووە
لە کەلار دوو راوچی بەخۆیان و تاقم و تفەنگەوە گیران
شۆڕش قادری
لە کەلار دوو راوچی بەخۆیان و تاقم و تفەنگەوە گیران کە خەریکی راوکردن بوون و تەقەیان کردووە.
بەپێی راگەیەنراوێکی بەڕێوەبەرایەتی پۆلیسی دارستان و ژینگەى گەرمیان، دوای ئەوەی ئاگادارکراونەتەوە لەوەی کە، ئۆتۆمبێلکی جۆری (پیکاب) لە سنوری گوندی (نازێ) خەریکی تەقەکردنە، مەفرەزەیەکیان چووەتە شوێنەکە و توانیویانە دوو کەس دەستگیر بکەن کە (ئۆتۆمبێل و چەکی کڵاشینکۆف)ـیان پێ بووە و لەو سنورە تەقەیان کردوە بەمەبەستی راوکردن.
تۆمەتباران لە ئێستادا بە فەرمانی دادوەری لێکۆڵینەوەی کەلار راگیراون، پەڕاوی لێکۆڵینەوەیان بۆ کراوەتەوە و لێپێچینەوەی یاساییان لەگەڵدا دەکرێت.